Tumingin ako sa aking paligid. Maputi at kung iisipin man ng iba ay baliw na ako, sige at isipin na nila iyon, pero nasa langit na ba ako? Ito ba ang kabayaran sa lahat ng mga ginawa kong tama sa pamilya ko? Sa ex boyfriend ko? Sa lahat ng mga taong nagkasala sa akin.
Pagak akong tumawa at biglang kumunot ang aking noo nang may isang matangkad at makisig na lalaki ang bumungad sa mga mata ko. Malabo nguni't alam kong guwapo. Siguro ito na nga ang kabilang buhay at sinusundo na ako ni San Pedro.
“Kukunin mo na ba ako?” Tanong ko rito at tumawa pa dahil nakakatawa naman talaga ang nangyari sa akin.
Gusto ko lang namang pumasok sa trabaho, magkaroon ng maraming pera at yumaman para wala ng taong aapak sa pagkatao ko, pero nasaksak pa ako ng malanding Inah na iyon.
Hindi ko na nga siya
