-Asther-
Gulong-gulo ang isip ay pinili kong umuwi sa amin. Alas onse na ng Gabi ng makarating ako sa amin. Dahil maghahatinggabi na ay tulog na sila nanay at tatay. Kung kaya't tinawagan ko si Tita Astrid para pagbuksan ako ng pinto.
"Oh, Asther! Hatinggabi na. Biglaan yata ang uwi mo?" Kunot noong tanong niya sa akin pagkapasok ng bahay. Alam kong takang-taka siya lalo na at hila-hila ko pa ang maliit kong maleta. Hindi ko siya sinagot at humalik na lamang sa kanyang pisngi.
Dire-diretso akong naglakad patungo sa paanan ng hagdanan habang sinasarado niya ang pinto.
"Kumain ka na ba?" Pahabol na tanong niya pa.
Sa totoo lang, nararamdaman ko na ang pagkalam ng aking sikmura. Ngunit wala akong ganang kumain. Tinanguan ko siya at nagpaalam ng aakyat sa aking silid. Dahil may kabigata
