Sunod-sunod na putok sa labas ang nagpagulantang sa akin. Nakabibingi ang bawat alingawngaw na napapikit ako at napatakip sa magkabilang tenga. Rinig ko din ang natatarantang sigawan ng mga tauhan ni Honey Laine.
" Dalian mo sabi!" Ulit nito sa akin. Nanginginig na ako sa sobrang takot. Hindi ako halos makakilos.
" Ma'am nakaabang na sa likod ang sasakyan 'nyo!" sigaw ng isa sa mga tauhan nito habang nakikipagpalitan ng putok. Ito 'yong isa sa mga lalaking kumuha sa akin sa hotel. Tinanguan ito ni Honey Laine. Akmang
magpapaputok itong muli ng tamaan ito sa dibdib at bumulagta sa sahig. Napatili pa ako ng malakas dahil doon. Pakaladkad akong hinila ni Honey Laine. Halos hindi ako makahakbang dahil sa labis na takot at kaba. Hirap din ako dahil may kabigatan ang aking tiyan. Para ak
