NANLALAMBOT ang mga tuhod ni Karenina sa takot niya kay Mr. Sanford pero pilit niya iyong nilalabanan.
Anong gagawin niya? Paano niya matutulungan ang mga Del Rio, kung ganito kawalang puso ang lalaki? At paano ba niya mababago ang isip nito kung galit na galit talaga ito sa mga Del Rio?
Napaiyak na lang siya sa kawalan ng pag-asa. Isinubsob niya ang mukha sa kanyang magkadikit na tuhod at iniyakap niya ang mga braso roon.
Saan siya magsisimula? She's not good at this. Kaya nahihirapan siyang mag-isip kung ano ba ang magiging unang hakbang na una niyang gagawin.
Suminghap siya at agad na nag-angat ng tingin nang marinig niyang bumukas ulit ang pinto ng silid na kinaroroonan niya.
Nakahinga naman siya ng maluwag nang makita niyang si Miss Lorelei ang pumasok doon. May dala itong tra
