Elara's POV
Naalala ko ang sinabi ni Kairo na kapag may problema ako ay pwede ko siyang lapitan. Wala naman sigurong masama kung makikipagkita ako sa kanya dahil nakipaghiwalay na ako kay Nicolai. Isa pa, kaibigan ko naman si Kairo.
Huminga muna ako ng malalim at napaupo sa ibaba ng aparador. Isinandal ko ang aking likod at napatingala sa kesame.
Kusang tumulo ang aking mga luha dahil pakiramdam ko ay ibang-iba na ako sa dating Elara na lumaki ng Gubat. Unti-unti ng nawawala ang kainosentehan at natuto na akong lumaban sa kapwa lalo na kung nasa tama. Namimiss ko na sina Inay at Itay kaya plano kung bumalik ng gubat para makapag isip-isip. Siguro bukas ay pwede akong magpaalam kina Mommy at Daddy na dadalawin ko sina Inay at Itay.
Sa ngayon ay pupunta na muna ako kay Senyorito Kairo.
