“Where is she?”
Halos mabasag ang boses ni Ryner sa lakas ng pagkakasabi. Pawisan pa siya, suot pa ang baseball jacket, hawak ang helmet na hindi na niya naalalang bitbit niya hanggang sa loob ng ospital.
“Where is Primrose?” ulit niya, mas mariin, habang palinga-linga sa emergency wing.
Katatapos lang ng ikatlong inning ng laro nang tumunog ang cellphone niya. Hindi niya sana sasagutin, hanggang makita niya ang pangalan ng tumatawag.
Unknown Number.
“Mr. Ryner,” mahinang boses ang sumagot. “This is St. Vincent Medical Center. Are you related to Ms. Primrose? Ang number mo ang naka-save sa emergency contact niya---” Pero wala doon ang atensyon ni Ryner. Naglalakbay ang utak niya.
Hindi na niya narinig ang kasunod.
Parang may humampas sa dibdib niya, sapat para mawalan siya ng hinin
