“Ball!”
Sigaw ng umpire habang muling nag-pitch si Ryner.
Agad na umalingawngaw ang mga bulungan sa buong stadium. Kita ang pagkadismaya ng mga manonood lalo na ng mga fans ni Ryner nang mapansin ang pagbabago sa pacing ng pitch niya. Hindi ito ang Ryner na kilala nila.
Tatlong ball na ang naitala.
Isa na lang at force walk na ang batter.
Mula pa lang sa umpisa ng laro, parang wala sa sarili ang binata. At hindi iyon nakaligtas sa mga mata ni Primrose.
Hindi niya maintindihan ang ikinikilos ni Ryner. Kahit sa bahay, wala namang malinaw na pagbabago. Same Ryner pa rin pinagluluto siya, kinukumusta araw-araw, palaging may ngiti kapag kinakausap siya. Kahit pagod galing practice, sinisigurado pa rin nitong may oras sila, lalo na kapag tinatanong siya tungkol sa preparations para sa laun
