WALANG inaksayang oras si Trent nang makarating siya sa Pampanga kung saan lumaki si Yssabelle. Nang umalis siya sa condo ng pinsang si Chester ay naisipan niyang bumiyahe agad patungo sa Pampanga. Kahit na pagod na pagod siya at wala siyang masyadong tulog ay bumiyahe siya ng mag-isa.
Naisip kasi ni Trent na baka umuwi ng Pampanga ang asawa niya. Wala kasi itong ibang kakilala sa Manila at alam niyang hindi nito alam ang pasikot-sikot doon. Kaya malakas ang kutob niya na naroon ito. At naisip niyang baka umuwi ito sa dating tinutuluyan nito
Sa bahay ng Tita Amanda nito. Wala naman kasi itong ibang pupuntahan dahil ulilang lubos na ito.
Nang maihinto ni Trent ang kotseng minamaneho sa tapat ng bahay ng Tita Amanda nito ay agad siyang lumabas doon. Alam niya kung saan ang bahay ng kama
