NAALIMPUNGATAN si Yssabelle mula sa pagkakatulog ng makarinig siya na parang may kumakanta. Pamilyar sa kanya ang boses na iyon. Kaya ng magmulat siya ng mga mata ay agad niyang hinahanap ang boses na iyon.
At agad naman niyang nakita si Trent na nakatayo sa gilid niya habang karga-karga ang dalawang buwan nilang anak na si Troy. Para namang may mainit na kamay na humaplos sa puso niya habang nakatingin siya sa asawa habang pinapatahan ang anak sa pamamagitan ng pagsayaw at pagkanta.
Nang mag-propose ulit si Trent ng kasal sa kanya at nang ibalita niya dito na buntis siya ay napakasaya nito. Halata ang kasiyahan sa mukha nito sa kaalamang magiging ama na ito. Nang malaman nga nito iyon ay agad nitong inasikaso ang pagpapakasal nila. Gusto daw kasi nitong maikasal ulit silang dalawa hab
