BUMANGON mula sa pagkakahiga si Yssabelle ng makarinig siya ng mahinang katok na nanggaling sa labas ng kwarto na tinutuluyan niya sa bahay ng kaibigang si Tanya.
Saktong pagkabangon niya ay ang pagbukas din ng pinto at sumilip do'n ang Mama ni Tanya na si Tita Tonette.
"Yssabelle," tawag nito sa pangalan niya ng magtama ang mga mata nila.
Pilit naman niyang ngumiti. "Bakit po, Tita?" tanong naman niya.
"Handa na ang almusal. Halika na sa hapag-kainan," imporma nito sa kanya.
Saglit naman niyang kinagat ang ibabang labi. "S-sige po," sagot naman niya.
"Hintayin ka namin sa mesa," wika naman nito bago ito tumalikod na sa kanya at umalis.
Napabuntong-hininga naman si Yssabelle. Sa totoo lang ay wala siyang ganang kumain. Kung hindi lang siya nahihiya kay Tita Tonette na siyang
