"TINA."
Nag-angat ng tingin si Yssabelle patungo kay Trent ng marinig niya ang boses nitong iyon. Nakita naman niya na hawak ni Trent ang telepono, mukhang kinakausap nito ang secretary nito doon.
"Come inside. Dalhin mo itong papeles sa accounting department. At sabihan mo sila na gawan ito ng cheque," narinig niyang utos ni Trent sa secretary nito.
Napanguso naman si Yssabelle. Naroon na siya sa loob ng opisina nito pero bakit hindi na lang siya nito utusan. Wala naman siyang ginagawa, nakatunganga nga lang siya do'n. Sa pagta-trabaho nga niya bilang assistant nito ay mabibilang lang sa kamay niya ang ginagawa niya. At kung hindi niya tatanungin si Trent kung may ipapagawa ito sa kanya ay baka display lang siya doon. Parang sayang nga ang pinapa-sweldo nito sa kanya dahil wala siyan
