NANG makita ni Yssabelle ang oras sa suot niyang wristwatch ay inayos na niya ang mga nagkalat na folder sa ibabaw ng table niya. Sinave na din niya ang ginagawa sa kanyang computer at saka niya iyon pinatay. InInayos na din niya ang gamit niya bilang paghahanda para sa pag-uwi. Hindi kasi mag-o-overtime si Trent, nabanggit nito iyon sa kanya kanina kaya alam niyang on time silang uuwi.
At nang mag-alas sinko na ay tumayo na si Yssabelle mula sa pagkakaupo niya sa swivel chair niya. Binitbit na din niya ang bag at saka siya tumingin kay Trent.
Napakagat naman siya ng ibabang labi nang makita niyang nakatingin ito sa kanya, napansin din niya na bahagyang magkasalubong ang mga kilay nito habang ang mata ay nakatuon sa kanya, wala naman siyang mababakas na galit na nakabalatay sa mga mata
