Itinigil ko ang sasakyan sa parking lot nitong playground. Mabuti na lang nga at naglagay sila ng space para sa parking. Dala ko ang blanket at ang isang basket kung saan nakalagay ang mga pagkain. Pinuntahan ko ang kinauupuan ko kaninang umaga sa may tabi ng puno na may bench na katabi. Inilatag ko ang blanket sa damuhan at inilagay doon ang basket. Napatingin ako sa paligid at mangilan-ngilan lang ang naglalaro na mga bata.
Tumayo ako at muling bumalik sa sasakyan para kunin pa ang iba. Pagkabalik ko roon sa nilatag kong blanket ay may nakaupo na roon, isang bata! Ibinaba ko ang isa pang basket at yung tumbler.
Umupo ako sa tabi nung bata.
"Enge puds," sabi niya sa akin at tinuro ang isang basket.
Tiningnan ko ito at ang cute niya dahil ang tataba ng cheeks niya. Long hair din at
