CHAPTER FOURTY THREE
ISA-isa niyang kinakalas ang butones ng aking suot na polo. Nakatingin ako sa kaniyang kaakit akit na napakagandang itsura. Wala akong masabing mali sa pagkakadetalye ng kaniyang mukha—kahit ang maninipis na hibla ng kaniyang buhok ay hindi ko napapalampas. Kaniyang kilay. Kaniyang pilik mata. Ang kaniyang patubong balbas at bigote.
Totoo ka ba Sebastian? Tanong ko sa aking sarili.
Naitanggal niya ang pinakahuling butones ng aking polo. Hinawakan niya ang magkabilang kwelyo ko at dahan-dahan niyang hinuhubad ang aking suot. Ramdam ko ang pamumula ng aking pisngi. Nahihiya ako. Gayunpaman, nakakaramdam din ako ng pananabik. Hindi ko na talaga maunawaan pa ang aking sarili.
Para kay Grevan lang ang katawan ito. Para sa kaniya lang. Pero nasabi ko na sa aking saril
