Chapter 26
*Abby*
Grabe ang ginawa niya sa underwear ko. Pinagmasdan ko ‘yon at talagang nainis akk sa ginawa niya. Paano ko pa ito maisusuot ngayon?
“Ano’ng ginawa mo?!” May diin kong tanong sa kaniya. Tinaas niya pa ang underwear ko at binuklat para ipakita ang ginawa niya.
“Tinahi ko,” inosente niyang sagot.
Inagaw ko sa kaniya ang underwear. “Tignan mo ang ginawa mo. Papaano ko pa masusuot ‘yan kung lahat ng butas tinahi mo?” tanong ko.
Hindi ako makapaniwala sa ginawa niya. Buhol-buhol pa ang sinulid at ang kalat ng pagkakatahi. Kulay puti ang undewear tapos ay itim na sinulid pa ang ginamit niya.
Lahat ng butas ay tinahi-tahi niya. Paano ko isusuot ang dalawang paa dito? Pinunit niya tapos tinahi naman niyang lahat. Parang ayaw na ipasuot sa akin dahil kinawawa na niya ng hust
