Kirsten
Araw ng Lunes, papasok sana ako ng school at ihahatid ng driver namin nang makita ko si Mommy at Daddy na kabababa pa lamang ng hagdan.
Tahimik kong pinagmasdan ang mga magulang ko na alam kong aalis na naman.
Napanguso ako.
Palagi na lang silang umaalis. Nagtatampo na ako sa kanila dahil hindi nila ako gaanong pinapansin mula pa noon.
Sinundan ko ang mga ito ng tingin habang nagtatalo ang mga ito sa hindi ko alam na dahilan. Umagang-umaga ay nag-aaway.
Tahimik kong nilakad ang daan palapit kay Mom at Dad na pumasok sa sasakyan nila. Hindi ko alam kung saan sila tutungo ngayon pero mukhang tungkol lamang iyon sa mga negosiyo nila. Iyon kasi ang isa sa mga hilig ni Daddy, pati na rin si Uncle Raymond, maliban sa pagpasok sa mundo ng pulitika. Palagi silang magkasangga sa a
