“LIA, PARANG AWA mo na. Makinig ka sa akin,” sabi ko.
“Paano ako makikinig sa iyo, Kenzo? Ni hindi mo nga kayang aminin sa akin ang totoo.”
“Wala akong aaminin sa iyo dahil wala akong ginawa,” giit ko.
Nagpupunas na ng luha si Lia. “Paano pa ako magtitiwala sa iyo kung ngayon pa lang ay hindi mo na kayang magpakatotoo? Pero mas okay na rin siguro na ganito para malaya na ako sa iyo. Anyways, tama rin siguro ang desisyon ko na bigyan pagkakataon si Cole. At least doon sa taong iyon, kilala ko na.”
Napangiti ako habang hindi mapigilan na mapailing-iling. “Lumabas din ang totoo mula sa bibig mo. Tama nga iyong sabi-sabi na hindi mo ako mahal. Naaawa ka lang sa akin kaya hindi mo kayang ipagtapat sa akin. Tapos ngayong pagod ka na, gumagawa ka ng istorya against me para makawala ka na s
