CLAUDE POV
"HOY crush!"
Napalingon ako agad sa nag-iisang babaeng tumatawag sa 'kin ng gano'n.
Ang babaeng napakalakas ng loob na umamin ng pagtingin niya sa 'kin.
Pumorma ng ngiti ang labi ko at kumaway pabalik sa kanya.
Tumatakbo siyang papalapit sa 'kin habang nakatawa. Hula ko, may ginawa na naman 'tong kalokohan. O baka may balak na namang gawin ngayon at isasama niya ko ro'n.
Kilala ko na si Tannie. Mula ulo hanggang paa. Madali siyang basahin para sa 'kin. Sa ilang taon ko na siyang nakikita at nakakasama, alam ko na mga kilos niya.
Nang makarating siya sa kinatatayuan ko ay malakas siyang napahampas sa balikat ko para mapatigil.
Ginawa pa kong pamreno niya galing sa pagtakbo.
Napahawak ako bigla sa balikat ko at ininda ang sakit sa ginawa niyang paghampas. Hindi ha
