"Tannie! Buti at nandito ka na, may emergency ako. Out ako ng maaga, sorry!"
Nagmamadali na tinanggal niya ang uniform namin at binato sa tabi bago patakbong pumunta sa 'kin.
"Okay lang, sige," saad ko at tumango sa kanya.
"Salamat." Tinapik niya pa ang balikat ko bago tumakbo na palabas.
Halata ngang may emergency siya dahil bumilis ang kilos niya. Mabagal kasi 'yon kumilos, mahinhin pero opposite 'yon sa lakas ng boses niya.
Siya rin ang palagi kong pinapalitan tuwing papasok na ko rito para mag-duty.
Duty-duty dahil tayo ay pretty.
Sinuot ko ang uniform ko na vest na galing mismo dito sa convenience store at pumwesto na sa kahera.
Medyo maaga pa bago ang mismong shift ko. Ten minutes pa bago mag-alas tres pero nandito na ako dahil gusto ko sanang magpalamig habang kumakai
