“Cess,” tawag ko sa kaibigan ko nang makarating ako sa cubicle ko.
Maaga siya ngayon kaysa sa akin. Nakapaninibago man, hindi ko na ‘yon pinansin pa, dahil gusto kong aminin kay Cess ang tungkol sa pangliligaw sa akin ni Damian.
Nagiging maingat naman kami sa media, at sa mga kakilala niya. Ayaw ko kasi ng atensyon, at alam naman ni Damian ang bagay na ‘yon. Ang problema lang ay wala talaga sa isip ko ang pag-amin sa kaibigan ko. Ngayon lang, dahil sa ilang linggo na pagtulog ni Damian sa condo ko, parang masasabi kong may something talaga sa amin.
Hindi na basta pangliligaw ang ginagawa niya. Parang may relasyon na kami—live in kung baga, pero walang exact na label.
Alam kong unti-unti na akong nahuhulog sa kaniya. Ang harang na binuo ko para lang ilayo ang sarili ko sa sakit, at pait
