“Hala!” gulantang kong sambit nang makita kong punong-puno ng regalo ang passenger seat ni Damian. “Bakit ang dami? Galing ba ‘to sa secret admirer mo?”
Ang dami kasi niyang gifts sa passenger seat niya! As in! May malaking bouquet ng red roses. Malaking box na hindi ko alam kung ano ‘yong nandoon. May apat na paper bag din galing sa mga kilalang brand, at isang cute size na teddy bear pa!
“Admirer?” nalilitong tanong sa akin ni Damian.
Mukhang pati siya ay hindi naisip na posibleng admirer niya talaga ang naglagay ng gifts dito sa kaniyang passenger seat ng kaniyang sasakyan. Paano kaya niya nailagay ‘to kung sakali? Hindi naman kasi puwedeng naiwang nakababa ang bintana ng passenger seat niya, hindi ba?
Puwede ring may spare key siya, at same model sila ng sasakyan ni Damian. Kaso hi
