“W-WHAT?!”
Ramdam ko na ang galit niya sa akin ngayon. Pero ‘di naman ako natinag. Marunong akong lumaban. Ito na nga lang ang maipagmamalaki ko sa sarili ko, ‘yong ayoko na inaapi ako ng kahit na sino. Lalo na kapag ako naman ang nasa tama. Kaya naman ay talagang gagawin ko ang lahat para ‘di ako matalo. Wala naman akong ginagawa na masama sa kaniya. Siya ang nauna. Kailangan ko na rin na panindigan ang pagkukunwari namin ni Ethan na may relasyon kami. Pero pinipilit ko na ‘di patulan ang babae na ‘to. As much as possible ay iniiwasan ko talaga. Dahil naiisip ko na baka makasira pa sa business proposal ni Ethan kay Mr. Vakisha. Lalo na at asawa pa rin niya ‘to.
“I said what I have said. Gusto mo ba na sabihin ko sa asawa mo ‘yang mga pinagsasasabi mo sa akin?” pagsusubok ko na pananako
