Sa pagdaan ng mga araw ay napatunayan kong totoo nga ang kasabihan na kapag hinihintay mo ang isang bagay ay sobrang tagal at sobrang nakakainip. Pero kapag hinahayaan mo lang ay hindi mo namamalayan na paparating na pala.
Mahigit isang buwan na lang ay magte-take na ako ng board exams. Sa mga nakalipas na buwan ay isa ang pagrereview ko sa mga naging bonding namin ni Jace. Hindi lang kada weekend kundi minsan ay kapag pareho kaming hindi busy sa trabaho ay nagkikita kami at tinutulungan niya akong mag-aral at ma-refresh ang mga pinag-aralan ko para sa paghahanda sa nalalapit na exams.
“I told you, kahit nakapikit ka ay kaya mong sagutin ang equation na 'yan. Just relax, babe. I know you can ace that board exam…” sambit niya nang may isang problem na iniwan siya sa akin bago siya umalis
