Chapter Fifty-seven – Naalala
Mabilis siyang umalis doon at hinanap niya ang opisina ni Franco. Panay ang tingin niya sa mga nakasulat sa bawat pintuan na kanyang madadaanan. Hindi kasi ito katulad sa opisina na kanyang minamanage na salamin lamang ang pagitan kaya nakikita niya agad ang mga tao kahit nasa malayo. Kanina pa niya iniikot ang buong palapag ngunit nahihirapan siyang hanapin ang opisina nito. Wala din siyang mapagtanungan dahil walang katao-tao sa mga silid dito.
Nagsisisi siya kung bakit hindi niya tinaong kanina sa receptionist ang daan papunta sa opisina ni Franco. Napatigil siya dahil para siyang nahilo sa kakaikot ng lugar. Iba-ibang label ang kanyang nadadaanan ngunit ang mga desinyo ng bawat kasulok-sulokan at ding-ding ay pareho lamang kaya siya nalilito. Humugot s
