Chapter Sixty-seven - Napahiya
Pabalik na sila ng condominium noong naalimpungatan si Margarita galing sa mahimbing na pagkakatulog. Napatingala siya sa kalangitang nag-aagaw ang dilim at ang palubog na araw. Kinusot niya ang kanyang mga mata at tumingin kay Franco. Napansin siya ni Franco kaya bumaling ito sa kanya.
"Gising ka na pala. Himbing ng tulog mo," at nginitian siya nito.
"Baka pagod lang talaga ako."
At bumaling siya sa kanyang harapan. Hindi dumiritso ang sasakyan ni Franco sa kanilang condo na kanyang ipinagtataka. Lumiko ito sa pamilyar na daan kung saan sila kadalasan kumakain.
"Doon tayo kakain ngayon?" Tanong niya dito.
"Oo kasi pagod ka," biro nito.
"Nakatulog naman ako. Ako nalang ang nagluluto Franco kaysa gumastos ka pa."
"Biro lang. Siya nga pala, ano ba tala
