BILLIE
MAAGA akong nagising kinabukasan kahit pa nga ba halos hindi rin naman ako nakatulog ng maayos kagabi. Hindi ko kasi maiwasang mag-alala sa kalagayan ni Damian sa labas ng aming bahay. Makailang ulit din akong nagpabalik-balik sa labas upang silipin kung ayos lang ito. Ngunit kahit pa naaawa na ako sa kaniya ay mas pinili ko pa ring tikisin siya. Sa huli ay napuyat lamang ako sa pasimpleng pasilip ko sa kanya.
Ilang minuto rin akong nanatili sa kama at nagmuni-muni bago ako tuluyang nagdesisyong bumangon. Walang sariling banyo ang kwarto ko kaya naman kailangan ko pang lumabas ng kwarto upang maligo.
Inihanda ko ang mga kakailanganin ko bago lumabas ng aking silid. Bitbit ko ang aking tuwalya at ang aking sipilyo saka dahan-dahang binuksan ang pinto. Nanghahaba ang aking leeg hab
