BILLIE
ILANG linggo na rin ang nakalipas mula nang umalis si Damian sa aming bahay. May parte ng aking isip ang nadismaya nang hindi na ito muling bumalik matapos nitong biglang umalis ng araw na iyon. Simula noon ay wala pa akong naririnig na kahit anong balita mula sa kanya.
Nakasave ang kanyang numero sa cellphone na pinahiram niya sa akin ngunit wala akong lakas ng loob na tawagan o kamustahin ito.
Hindi lumang cellphone ang binigay ni Damian sa akin gaya nang sabi nito. Mukhang tinanggal lang nito ang pagkakabalot upang hindi magmukhang bago pero kalikutin ko ito ay napagtanto kong bago pa iyon. Kahit ang simcard na nilagay niya roon ay postpaid at hindi prepaid dahil hindi tinanggap ang numero noon nang subukan kong paloadan iyon sa tindahan malapit sa amin.
Mabuti na lamang at n
