Nakangising bumunot si Luis ng card, pagkatapos ay umungol ito na para bang hindi nagustuhan ang nabunot. Inilapag niya sa gitna. Number 10, heart. Ibig sabihin heart-kiss, 10-cheeks.
So, kiss the cheeks. Kaya siguro umuungot ito dahil number 10 ang nabunot, ayaw yatang humalik sa pisngi. Napapailing na lang siya. Iniikot na nito ang bote at saktong sa kanya tumapat ang dulo.
"Yes!" masayang sigaw ni Luis sabay tingin kay Juan, nakahinga siya ng maluwang, pasalamat siya dahil sa pisngi lang ito hahalik sa kanya.
Mabilis siyang dinukwang ni Luis para halikan sa pisngi, inilapit niya rin ang mukha para maabot nito ang pisngi niya. Parang dampi lang ng hangin ang halik nito dahil mabilis itong hinila ni Juan palayo sa kanya.
"Grabe ka, Juan! Hindi pa nga nag-iinit ang labi ko sa pisngi
