Tinatanaw ni Juan sina Venus at Lolita mula sa terrace sa kinatatayuan niya, nasa ilalim sila ng malaking puno kung saan may mesa at upuan tapos duyan. Tinawag nila itong pahingahan.
Naka-focus lang siya kay Venus na panay ang tawa sa sinasabi ni Lolita, hindi niya alam kung ano ang pinag-uusapan ng dalawa. Basta mula sa malayo ay napapangiti siya kapag tumatawa ito.
It's been 6 months at malapit na ang kabuwanan ni Venus, natutuwa siyang makita ito na halos mahirapang maglakad dahil malaki na ang tiyan. Sabi nila kapag buntis daw ang babae, pumapangit pero tingin niya rito ay gumaganda ito araw-araw.
"Hoy, Juan! Nakikinig ka ba sa sinasabi ko?" untag sa kanya ni Luis, napatingin siya rito saka kumunot ang noo.
"Ano ang sabi mo?" naiinis na tanong niya.
"Grabe naman, ang sabi ko kung
