“LET ME remind you, babe, I’m the head of the security team. I even own the security agency where you get most of your men.”
Hindi nawala ang ngiti sa mga labi ni Katrina. Kahit tumayo ang mga balahibo niya sa batok dahil malapit na malapit sa tainga niya ang bibig ni Harvy nang ibulong nito ang mga sinabi nito, nanatili siyang nakangiti. Patuloy siya sa pagpapasalamat habang tinatanggap ang mga regalo na iniaabot ng fans sa kanya. Ang mga iyon ay iniaabot din niya kay Harvy.
Mukhang naiinis na ito sa kanya. Hindi niya ito pinapansin. Sa tabi niya ay abala sa pagpirma ng autograph si Vann Allen. Ang ilan sa mga security men ay hinaharang ang mga tagahanga upang huwag itong dumugin.
Nasa harap sila ng condominium building nila sa New York. Karaniwan nang nagkakampo ang
