NANG bumalik sa Amerika si Vann Allen ay kasama na nito si Katrina. Kinuha siya nito bilang personal secretary. Alam niyang alalay talaga siya nito ngunit nahiya lamang siguro ito sa kanya kaya “secretary” ang ginamit nitong term. Aanhin naman kasi nito ang secretary samantalang may manager at agent ito? Si Patrick Robinson ang international agent nito at si Angie Cancer pa rin ang manager nito kapag nasa Pilipinas ito. Ang mga ito ang nag-aayos ng schedule ng binata.
Ayaw sana niyang iwan ang kanyang ama at kapatid sa Pilipinas ngunit mas makabubuti sa kanila kung sasama siya kay Vann Allen sa ibang bansa. Malaki ang alok nitong sahod sa kanya. Isa pa ay gusto rin niya ang magiging trabaho niya. Matagal na niyang pangarap na magtrabaho para sa Lollipop Boys. Pangarap din niyang mak
