NAKARINIG sina Danilo at Aling Divina ng ingay sa labas. Nagsisigawan ang mga taong kasama nila na parang nagkakagulo. Nagtatakang nagkatinginan silang dalawa at nagmamadaling lumabas. Kaya naman pala, naroon na si Aling Ipang. Nakatayo ito ilang dipa ang layo sa harapan ng pintuan ng bahay nito at nakaharap sa kanila. Malalim ang tingin nito. Hindi niya mawari kung galit pa ito o ano.
Pagkakita niya sa matanda ay umakyat agad ang dugo ni Danilo sa kaniyang ulo. Kulang na lang ay magdilim ang paningin niya. Mariin niyang ikinuom ang mga kamao at gusto na niyang sugurin ang matanda ngunit pinipigilan lang niya ang sarili. Iniisip pa rin niyang matanda pa rin ito at kahit papaano ay kailangan niya itong irespeto.
Ihahakbang niya sana ang mga paa para lapitan ito pero pinigilan siya ni Alin
