"SO, KAILAN mo nalamang may gusto ka na sa akin?"
Nakagat ni Krisstine ang kanyang ibabang labi nang mapalingon si Blitzen sa kanya. Kasalukuyan silang nasa tabing-ilog, nakahiga sa inilatag nilang banig. Naisipan kasi nilang sabay na panoorin ang paglubog ng araw kaya sila nagpunta roon.
Madalas silang magpunta sa ilog bilang bahagi ng plano ni Blitzen na alisin nang tuluyan ang takot niya roon. Mukhang nagtatagumpay naman ito dahil unti unting nabubura ang mga nakakatakot na bagay na isiniksik ng yaya niya noon sa kanyang isip at napapalitan na iyon ng masasayang araw na kasama niya ang lalaking pinakamamahal niya.
And true to his word, he started courting her. For the past week, wala na itong ibang ginawa kundi ang iparamdam sa kanya kung gaano siya nito kamahal. She would wake up ev
