ISANG UNGOL ang kumawala sa lalamunan ni Krisstine bago siya painot-inot na nagmulat ng mga mata. Dahil nasilaw siya sa liwanag na tumatanglaw sa lugar kung saan siya naroroon ay agad siyang napapikit ulit. Mayamaya'y napakunot ang noo niya. Muli niyang sinubukang magmulat ng mga mata, sinasanay ang kanyang mga mata sa liwanag.
"Gising ka na pala," wika ng isang baritonong boses mula sa kanyang tabi.
Marahas siyang napalingon sa pinagmulan ng boses. Napasinghap siya nang mabungaran si Blitzen. "W-what are you doing here?" Iginala niya ang kanyang paningin sa kabuuan ng lugar. "Where am I? What am I doing here?" nagtatakang tanong niya. "Where's Yayo?"
Hindi niya nakikita ang kanyang personal assistant sa loob ng sa hinuha niya'y hospital suite. Sila lamang dalawa ang naroroon. Hindi niy
