"ANO'NG BALAK MO?"
Hindi kaagad sinagot ni Blitzen ang tanong niya. Bagkus ay hinawakan nito ang kanyang kamay at marahang pinisil iyon. Napabuntong-hininga siya. Hindi man niya alam ang nangyari sa loob kanina pero may hinuha na siya. Nakarinig sila ng sigawan at iyakan sa loob kanina. Alam niya kung ano ang naging reaksiyon ni Monica dahil iyon din ang naging reaksiyon nito nang makita siya ng matanda noong una niya itong sinubukang kausapin.
Naroon pa rin sila sa bahay ni Riza. Ang lahat ay nasa sala at nagmemeryenda, habang sila ni Blitzen ay nasa tapat ng pinto ng kwarto kung saan naroroon si Monica. Nasa loob pa si Donder, kausap ang mommy nito. Si Blitzen ay lumabas agad, hindi kinaya kung ano ang nalaman at nakita nito tungkol sa kalagayan ng mommy nitong kaytagal na nawala.
"Na
