TWO FACE OF LOVE

EPISODE 1- ANG BUHAY NI FREYA

"Freya, anak pakikuha nman ng aking gamot!", sigaw ng kaniyang ina.

"Sige po inay, saan po ba nakalagay ang inyong gamot."

"Diyan lamang anak sa ibabaw ng aking kabinet."

"Sige po inay, heto na po ang inyong gamot inumin niyo na po kaagad upang maibsan ang sakit na inyo pong nararamdaman.

Si Freya ay ang nag iisang anak ni Aling Melissa, siya ay nasa edad na dalawampu at nag-aaral sa kursong pagdodoktor. Si Aling Melissa ay mayroong malubhang sakit na naging dahilan ng kagipitan ng mag ina. Hindi na nakakapagtrabaho si Aling Melissa dahil sa kaniyang karamdaman kaya't hirap na hirap sila sa kanilang buhay. Magmula kasi ng iwan sila ng kaniyang ama sa edad niyang 12 ay nalugmok ng husto ang kaniyang ina na naging sanhi ng pagkakasakit nito. Ang ama ni Freya ay isang OFW na nakakilala ng bago niyang asawa na naging dahilan ng paghihiwalay ng kaniyang mga magulang.

Si Freya ay isang mabuti, masunurin, at magalang na anak kaya't siya na lamang din ang nakakatuwang ng kaniyang ina sa kanilang tahanan. Siya ay maymaganda at mahubog na pangangatawan, mayroong mahabang buhok, chinitang mga mata, mamula- mulang pisngi at mga labi, hindi mo aakalain sa kaniyang itsura na siya ay galing sa isang mahirap na pamilya lamang sapagkat mayroon siyang maputi at malaporselanang kutis. Siya ay nag-aaral sa isang prestihiyosong paaralan ng Washington Academy sa Manila at isa siya sa mga paaral o scholar ng paaralan. Siya ay hindi confident na humaharap at pumapasok sa knilang paaralan kahit siya pa ang nangunguna sa kanilang klase dahil sa angking talino na mayroon siya sapagkat nakakaranas ito ng pambubully sa kaniyang kapwa mag-aaral sapagkat siya ay isang dukha o mahirap na tao lamang samantalang ang paaralang kaniyang pinasukan ay may mag- aaral na may magagarang kotse, bahay, alahas at may mararangyang buhay at lalo't higit sunod sa layaw ang mga ito, madalas siyang tampulan ng usapan dahil hindi ito bagay sa kanilang paaralan.

Si Melody ang kaibigan ni Freya na katulad niya ay scholar din ng paaralan at nakakaranas din ito ng pangungutya sa kapwa mag- aaral. Silang dalawa na ang laging magkasama saan man magpunta. Sila na rin ang nagsasabihan ng problema.

Dahil sa hindi na kinakaya ang mga gastusin sa paaralan at kanilang tahanan, kahit na scholar pa siya ay mayroon pa rin itong mga gastusin sa paaralan na hindi na sakop ng kaniyang scholar ay naisip niyang humanap ng pagkakakitaan habang siya ay nag- aaral pa upang makatulong sa pang- araw araw na gamutan at gastusin sa knilang bahay at kaniyang paaralan.