MAAGANG NAGISING SI Augustus nang araw na iyon. Kailangan niya pang maghanda sa mga kakailanganin ng kantina sa hospital. Hindi niya kase naiprepera iyon kagabi dahil sa trabahong kailangan niyang puntahan. Katulad ng dati niyang gawi, nagpapawis na muna siya sa gym nang sa gayon ay magkaroon siya ng enerhiya para sa maghapon nilang trabaho.
Sa loob ng ilang minuto ay maririnig lamang ang walang tigil na pagsuntok ng binata sa punching bag na nakasabit sa itaas ng kisame. Malalamang may kalakasan ang pagtama doon ng kanyang kamao dahil maririnig pa ang pag-echo niyon sa kabuuan ng gym.
Paulit-ulit. Walang hinto. Kaliwa at kanan ang pagtama sa bawat minutong nakalilipas. Saka lamang siya huminto nang tuluyang makalabas ang pawis sa kanyang katawan.
Maririnig ang walang tigil niyang pagh
