AT TAMA nga ng hula si Ysabelle. Nang gabi ring iyon ay naging mailap ang antok sa kanya. Paulit-ulit na dumadaloy sa utak niya ang halik at init na hatid ng mga labi nito. Pakiramdam nga niya ay naroon pa rin ang mg labi nito.
'Please, just let me sleep!' Para siyang timang na sinasabunutan ang sariling buhok.
Hindi mawala si Luke sa isip niya at hindi na siya natutuwa roon.
Wala sa loob na sinalat niya ang labi. Hindi na mabilang ng dalaga kung ilang beses na niya iyon ginawa mula nang mangyari ang tagpong iyon.
Naiinis naman na ibinaon niya ang mukha sa unan at doon tumili nang walang ingay. Naisip niya ang lalaki. Ganoon din kaya ito? Naiisip din ba kaya nito ang tagpong iyon?
Siguradong nakakahiya kung malalaman nitong naloloka siya sa pinagsaluhan nilang halik.
Muli siyang
