SA ISANG silid humantong sina Amanda at Luke. Pabigla niyang inagaw ang kamay mula rito. Pakiramdam kasi niya ay mapapaso siya sa init na hatid ng pagdidikit ng kanilang mga balat.
Nang humarap ang binata sa kanya ay hindi niya maiwasang muling mapatitig sa taglay nitong kakisigan. Wala na ang dating mahabang buhok nito na palaging nakapusod. Bagong gupit na ito at naka-gel pa ang buhok sa tuktok patungo sa likod ng ulo. Makinis din ang mga panga nito na halatang bagong shave. Sa tingin pa nga niya ay bumata ito nang ilang taon.
Bagay na bagay din dito ang suot na formal attire. He was wearing a white polo shirt na nakatupi ang sleeve hanggang sa ilalim ng siko. Hindi pa rin kayang itago ng telang iyon ang mahulmang muscle ng braso nito na bunga ng araw-araw na pagtatrabaho sa bukid. Ka
