PAGMULAT ng mga mata ni Regine ay tatlong rosas ang tumambad sa paningin niya. Saglit siyang natigilan. Pagkakita niya sa pamilyar na lamp katabi ang sariling larawan ay natiyak niyang wala na siya sa Hong Kong, at silid niya ang kinaroroonan.
Bakit may three roses?
Gusto siyang pasayahin ng Kuya Antonn niya pero sigurado siyang hindi iyon mag-iiwan ng tatlong pulang rosas. Inabot niya ang isa at inamoy. Hindi na masyadong fresh, sa isip niya at napangiti.
Siguro ang nanay niya ang nag-iwan ng mga bulaklak. Minsan talaga ay may mga kakaibang gestures na naiisip ang ina para mapangiti siya.
Nabanggit ng Kuya Antonn niya na kailangan nitong umuwi sa bahay ng ama kaya sigurado siyang ang nanay lang niya ang nasa bahay. Imposible namang si Zairo. Tapos na ang trabaho ng isang iyon sa kanil
