ANG MGA papeles na dapat Antonn i-review at pirmahan ang dapat na iniisip ni Antonn habang nasa main office siya ng Lights and Decors pero ang eksena nila ni Rajed nang nagdaang gabi at nila ni Regine kaninang umaga lang ang pabalik-balik sa isip niya.
Hindi siya makapaniwalang nagawang itago ng dalawa sa kanya ang relasyon ng mga ito, lalo na si Rajed. Nakuyom niya ang kamay niyang nasa ibabaw ng mesa. Hindi niya mapigilang magalit. Halos magkapatid na ang turingan nila. Pinagtiwalaan niya ito ng buong-buo, alam niyang ganoon rin ang nanay niya. Wala siyang kaalam-alam na ang kapatid niyang ibinilin niyang huwag nitong pababayaan ay inaalagaan na nito sa ibang paraan!
Hindi niya maaring ituon ang sisi sa kapatid dahil alam na niya ang pagtingin nito kay Rajed. Hindi nito iyon itinago sa
