"KANINA ka pa tahimik," pansin ni Regine kay Rajed. Pinuntahan niya ito sa unit para magkausap sila. Napansin kasi niya na maiikli lang lagi ang mga messages nito. Hindi rin ito tumawag sa ilang araw na lumipas samantalang dati ay hindi lumilipas ang dalawang araw na hindi siya tinatawagan nito.
Hindi na siya nagsinungaling sa nanay niya. Sinabi niyang sa unit ni Rajed siya pupunta habang wala siyang mahanap na kasama sa paggala. May date lagi si Rachelle, ang kaibigan niyang noong single pa ay lagi niyang nahahatak kahit saan. Binanggit niyang nabo-bore siya sa bahay. Natapos na nila ang orders ng mga baby clothes na kailangan ng araw na iyon kaya pinayagan na siya nito. Hindi siya nagdala ng kotse.
Tiningnan siya ni Rajed at ngumiti ito pero hindi umimik. Kanina pa niya napansin iyon—n
