NAPAPAIYAK si Regine habang sinasabi sa Kuya Antonn niya na hindi na siya sasama kay Zairo para sa mga utos nito. Nag-away na sila ni Rajed nang nagdaang gabi. Ang dahilan ng away—ang lalaking wala talagang magandang dulot ang bigla na lang pagsulpot sa buhay niya.
Tinawagan si Regine ni Zairo at nagtanong kung nasaan siya. Hindi niya sinabi ang lugar, kasama kasi niyang nagdi-dinner si Rajed sa paborito nilang restaurant, ang Greenland. Tinawanan lang siya ni Zairo, sinabi nitong hahanapin siya. Hindi niya alam kung may sa impakto ang loko at nahanap nga siya! Nataon pa na saglit na umalis si Rajed at nagtungo sa wash room. Sumulpot na lang si Zairo sa tabi niya at ninakawan siya ng halik sa pisngi—eksenang huling-huli ng mga mata ni Rajed na naudlot ang paglapit sa mesa nila.
"I found
