NATALIA’S POV
Ngayon ang araw ng reunion namin. Tumawag na rin sa akin si Chanty para lang alamin kung talagang pupunta na ako. Magkikita na lang kami sa venue. Isang rooftop bar ang lugar kung saan kami pupunta ngayon. Ang alam ko, exclusive lang iyon para sa buong klase kaya kami-kami lang ang nandoon.
Ang pinili kong suotin ay ang isang light beige, one shoulder, mid-length silk dress. May slit iyon sa gilid na umabot hanggang kalahati ng hita ko pero flowy at A-line ang skirt noon. Hinayaan ko na lang na nakabagsak ang buhok ko pero bahagya ko kinulot para maging wavy at may volume. No-make up look lang ang nilagay ko.
Nang makuntento na ako sa ayos ko ay kinuha ko ang clutch bag ko saka ako lumabas ng kwarto ko. Nagkasalubong pa kami ni Noreen. Mukhang kadarating lang niya galing s
