NATALIA’S POV
“Sige, maiwan ko muna kayo,” saad ni Mommy at tumingin siya kay Fifi na hawak ko. Gamit ang mga mata niya ay sinasabi niya na ibalik ko na ang pusang hawak ko.
“Anong ginagawa mo rito?” tanong ko kay Apollo at naupo ako. Ganoon din naman ang ginawa niya.
Magkaharap kaming dalawa ngayon. Huwag niyang sabihin na sumugod talaga siya dito para bawiin si Fifi.
“Tinakas mo si Fifi,” saad niya at tumingin kay Fifi na nasa kandungan ko. “Hindi sa pinagdadamot ko siya sa iyo, but we both know that your father has an allergy with the furs.”
Tumayo ako at inabot sa kaniya si Fifi. Nagtatakang tumingin naman siya sa akin pero tinanggap pa rin niya ang pusa. Parang ang immature lang naming pareho na pinag-aagawan namin si Fifi. At kahit gusto ko na nasa akin ito, wala akong choice ku
