NATALIA
“Yeah, I forgot again. I am sorry,” saad ni Xerxes. Kailan pa siya naging makakalimutin?
Umakbay siya kay Nikita. “By the way, Alam ko magkakilala na kayong dalawa pero sigurado akong hindi niya nabanggit sa iyo, that she’s my wife.”
Nagulat naman ako sa sinabi niya. Hindi ko alam na mag-asawa na pala siya, ang nalaman ko lang kanina ay may karelasyon na siya at si Alex ang pinagseselosan niya.
“Gusto mo kasi lahat ng makakasalubong ko sasabihin kong kasal na ako. Hello? Alam naman na ang lahat na kinasal na tayo, dahil pinadyaryo mo pa iyon,” pagsusungit naman ni Nikita kay Xerxes pero nginisihan lang ito ng huli.
Saka lang ako napatingin sa wedding ring na suot ni Nikita. Hindi ko kasi iyon napansin kanina.
“Hindi kasi alam ni Lia, kasi matagal siyang wala sa bansa,” paliwa
