"Cyndi, pinapatawag ka ni Chief Lazor." sabi ng isang kapwa ko pulis.
"Sige, tatapusin ko lang itong ginagawa ko."
Agad akong pumunta sa opisina ni chief Lasor upang alamin kung anong dahilan. Kumatok ako ng tatlong beses at pagkatapos ay dahan-dahan akong pumasok sa loob.
"Chief bakit n'yo ako pinapatawag?"tanong ko sa kanya.
"Cyndi Fuentes. Nangangailangan ng pulis sa kabilang bayan at nakikiusap silang humiram dito sa'tin. Ikaw ang naisip kong ibigay."
"Bakit po ako Sir? Marami pong pulis ang pwede, hindi naman ako pwede sa field."
Alam kong sinabi iyon ni Ate Ara na ilipat ako ngunit hindi ako papayag sa gusto nilang mangyari.
Natahimik si Chief Lazor. "Sa opisina ka lang nila ilalagay."
"Pasensiya na Chief, hindi po ako papayag sa gusto n'yo makakasama po sa pinagbubuntis ko
