PERLA’s POV
Nakiusap si Kuya Zandro na lumipat ako ng condo para siya ang makasama ni Ate Patriz sa bahay.
Akala ko dahil tapos na ang kaso at nahuli na sina Monica ay wala na rin si Lawrenz. Ang driver ni kuya Zandro ang naghatid sa akin sa condo noong araw na lumipat siya sa bahay.
Nalulungkot lang ako dahil nakasanayan kong makita at makasama si Lawrenz ng ilang buwan na rin. Pero mas masaya ako na ligtas na sa pagbabanta ang buhay nina Ate Patriz at kasama na rin siguro ako.
Patulog na sana ako ng may kumatok. Kung sina Ate at Kuya ito ay may biometrics naman sila para bumukas ang pinto. Katok lang ang naririnig ko, walang nagsasalita. Sinilip ko sa peephole kung sino itong istorbo sa pagpapahinga.
Pakiramdam ko ay tumalon ang puso ko nang makita ko si Lawrenz sa labas ng unit.
