HUMALIKIPKIP si Badette sa harapan ni Desiree. Ang pinakaayaw niya ay pinaglalaruan siya. Lalo na ang mga taong mahahalaga sa kanya.
"Kung ako sa'yo ay umuwi ka na lang sa inyo Desiree. Kaya ko naman alagaan ang anak ko,"matalim ang pananalita ng Ginang sa kanya.
"P-pero asawa ko pa rin po ang a-anak niyo,"katwiran ni Desiree. Sa loob niya'y may karapatan din siya sa pag-aalaga rito.
Isang nakakalukong tawa ang ginawa ni Badette.
"Naririnig mo ba ang pinagsasabi mo ngayon, nasasabi mo pa rin iyan. Gayong maliwanag naman na nagawa mong ipagpalit ang anak ko sa ibang lalaki!"
"Bakit ho, kayo po ba ay naging mabuting ina sa anak niyo? Tinanong niyo ba minsan ang sarili niyo? Huwag kayong magmalinis kung sa una pa lang ay meron na kayong naging pagkukulang kay Guiller,"tuloy-tuloy niyang
