Chapter 28
MANGARAP
“May pupuntahan kasi tayo, sana matuwa ka kahit papaano...”
Dumagundong ang dibdib ni Lori sa kaba at excitement. Saan kaya siya dadalhin ni Ivan? Panay ngiti lang kasi ito at pag papa-cute Gusto lang yatang ipag malaki na dalawa ang biloy niya sa pisngi. Talaga namang dagdag sa kagwapuhan ni Ivan lalo na sa tuwing siya'y ngumingiti.
Hindi talaga maiwasan ni Lori na sumulyap sa mukha ni Ivan habang ito ay nag mamaneho. Hanggang sa ipinasok ni Ivan ang kotse sa pinaka-malaking mall sa bayan. Magmo-mall lang pala sila, hindi pa agad sinabi. Sa totoo lang, isa ang mall sa mga lugar Kung saan nalulungkot si Lori. Sa tuwing nalulungkot kasi siya rito, lalo lang pinapa-mukha sa kanya kung gaano siya kahirap.
Marami siyang gustong bilhin ngunit wala siyang sapat na per
